Neymar duket i gatshëm të largohet nga Al Hilal në vitin 2025, qoftë në janar apo kur kontrata e tij skadon në fund të qershorit 2025.

Kryetari i Santos, Marcelo Teixeira i ka ofruar atij mundësinë për t’u ribashkuar me klubin e tij të fëmijërisë vitin e ardhshëm, pasi ai tha për CNN: “Ne nuk kemi vendosur ende për garat e 2025. Nuk mund të bëjmë supozime hipotetike”.

“Nëse ai anulon kontratën, nëse lirohet, ne kemi një lidhje me familjen dhe sportistin. Ne monitorojmë, ndjekim dhe kemi një projekt konkret që e kemi diskutuar disa herë. Ne do të vazhdojmë ta monitorojmë”.

“Kjo nuk është koha që Santos të nxitojë për ndonjë gjë. Nevoja është të jemi në Serie A deri në vitin 2025”.

“Më pas, gjithçka ndryshon në bazë të të ardhurave dhe prioriteteve, dhe projekteve në vazhdim. Sot, krijimi i çdo shprese në këtë kuptim ndikon në Santos dhe futbolli brazilian duhet të jemi shumë të kujdesshëm”, shtoi më tej Teixeira.

Neymar ka pasur një periudhë vërtet frustruese në Al Hilal pasi iu bashkua atyre në vitin 2023. Ai ka bërë vetëm shtatë paraqitje për ta, duke humbur pjesën më të madhe të sezonit 2023/24 për shkak të një lëndim në gju. /Telegrafi/